عاوز تكون من عباد الله الصالحين

السلام عليكــم ورحمـة الله وبركاتــة ،،

بســم الله الـرحمــن الرحيــم

بسم الله رب العالمين

إنت ! !!!
أيوة انت..........

يا ترى عايز تكون من عباد الله الصالحين ؟ ؟؟

نفسك تبقى صالح فى حياتك ودينك وصالح فى الدنيا والأخرة ؟؟؟

****

إنك تكون عبد من عباد الله الصالحين دى منزلة كبيرة أوى.... كان بيتمناها الأنبياء من ربنا ,,

إسمع معايا :

سيدنا يوسف : { تَوَفَّنِي مُسْلِمًا وَأَلْحِقْنِي بِالصَّالِحِينَ (101) } يوسف

سيدنا إبراهيم : { رَبِّ هَبْ لِي حُكْمًا وَأَلْحِقْنِي بِالصَّالِحِينَ(83) } الشعراء , وكانت الإجابة من الله تعالى : {وَآتَيْنَاهُ فِي الدُّنْيَا حَسَنَةً وَإِنَّهُ فِي الآخِرَةِ لَمِنَ الصَّالِحِينَ (122) } النحل

سيدنا زكريا, سيدنا يحي, سيدنا عيسى : { وَزَكَرِيَّا وَيَحْيَى وَعِيسَى وَإِلْيَاسَ كُلٌّ مِنَ الصَّالِحِينَ (6) } الأنعام

إسماعيل, إدريس, ذا الكفل : { وَأَدْخَلْنَاهُمْ فِي رَحْمَتِنَا إِنَّهُمْ مِنَ الصَّالِحِينَ (86) }الأنبياء

سيدنا لوط : { وَأَدْخَلْنَاهُ فِي رَحْمَتِنَا إِنَّهُ مِنَ الصَّالِحِينَ (75) } الأنبياء

ودعا بها سيدنا سليمان ربه : { وَقَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ (19) }النمل

سيدنا إسماعيل إجابة دعاء سيدنا إبراهيم : { رَبِّ هَبْ لِي مِنَ الصَّالِحِينَ (100) }الصافات

وسيدنا إسحاق بشرى لسيدنا إبراهيم : { وَبَشَّرْنَاهُ بِإِسْحَاقَ نَبِيًّا مِنَ الصَّالِحِينَ (112) }الصافات

****************

طيب إزاى أكون من عباد الله الصالحين ؟

وبعدين أنا بعيد أوى عن ربنا , وما أظنش إن ممكن ؟

هو أنا بجد ممكن أنى أكون من عباد الله الصالحين ؟ زى الأنبياء كدة ؟

****************

طبعًا ممكن , هتلاقى الصعوبة فى مجاهدة نفسك ..

بس انت دلوقتى هتحاول معانا بجهدك عشان تكون منهم قبل ما تندم فى الآخرة :

{ وَأَنْفِقُوا مِنْ مَا رَزَقْنَاكُمْ مِنْ قَبْلِ أَنْ يَأْتِيَ أَحَدَكُمُ الْمَوْتُ فَيَقُولَ رَبِّ لَوْلا أَخَّرْتَنِي إِلَى أَجَلٍ قَرِيبٍ فَأَصَّدَّقَ وَأَكُنْ مِنَ الصَّالِحِينَ (10) } المنافقون .

برغم ان الكلام بسيط وتنفيذه - لو صدقنا مع نفسنا - ومع رغبتنا اننا نكون فعلا كده - هنلاقيه سهل جدا

إلا ان وسوسه الشيطان والفتن اللي حوالينا ..محتاجه عزيمه ..وثبات.. وإصرار ..عشان نتغلب عليها..

إمشى مع كلام الشيخ محمد حسين يعقوب خطوة خطوة هم تلات خطوات بس :

1 _ إستشـراف المكانة : بإنك تعرف إنها مكانة كبيرة أوى عن ربنا, إنك تدعى ربنا بصدق زى الأنبياء إنك تكون واحد منهم .

2 _ الإستعداد :
أوله : تطهير القلب من الذنوب ..
افتح قدامك قلبك اللى مليان حاجات كتير , هتلاقى حاجات ربنا بيحبها ثبتها وكبرها , و شيل كل حاجة ربنا مش بيحبها .

تانيه: إنك تكون عبد أوّاب .. يعنى ترجع كتير لربنا , كل ما تتوب وتعصى ترجع وتتوب تانى , وتعرف إن السعادة , كل السعادة وانت مع الله .

3 _ الإجتباء / الإختيار : إن ربنا يختارك , ويتقبلك عبد من عباده الصالحين , وعشان توصل للمرحلة دى لازم تكون قريب من ربنا عشان يختارك , زى اللى عايز تفاح لازم يكون أصلا واقف تحت شجرة التفاح !

ما تنساش ..خليك دايما قريب من ربنا عشان يختارك .

و اكيد اكيد كل انسان يتمنى يكون من الصالحين مع انبياء الله عليهم السلام....

و من المؤكد ان كل انسان لازم يدعو بصدق و يلح في الدعاء ....

و ان الله سميع الدعاء

*
*
*
*
فَاجْتَبَاهُ رَبُّهُ فَجَعَلَهُ مِنَ الصَّالِحِينَ

من درس الشيخ محمد حسين يعقوب .. جزاه الله عنا خيرًا

**********

اللهم اجتبينا واجعلنا من عبادك الصالحين..
اللهم استخدمنا ولا تستبدلنا..
اللهم لا تجعلنا ممن يأمرون الناس بالبر وينسون أنفسهم

ونرجو الدعاء

للمسلمين والمسلمات

اللهم ارحم ابى وادخله فسيح جناتك

تسلم ايديك يا حودا
وجزاك الله خيرا

جزاك الله كل خير ويجعله انشاءالله
فى ميزان حسناتك موضوع جميل
بجد تسلم ايدك ربنا يوفقك

نورت يا سامو وليالى كمان

مبرسى على المرور

» ماذا تكون " حسبنا الله ونعم الوكيل " ؟
» ان كنت تحب رسول الله صلى الله عليه وسلم فكن مثله...
» مع الله
» عاوز اسمع تحيه كبيره اوووووووووووى لشروق
» اخر خطبه لرسول الله صلى الله عليه وسلم ... أرجو التثبيت